Transcription
1
Monsieur, je suis yci et mesieurs d’Oraison despuis
2
lundi, et monsieur de St Cerni despuis mardi,
3
pour les comptes de messieurs de Sault,
4
accompagnés de quelques aultres que
5
monsieur le lieutenent général d’Aix a faict
6
appeler pour la redition diceulx et sont bien
7
tailhés d’y estre encores quinze jours et si
8
y fesons tout ce que nous pouvons. Nous y avons
9
repceu monsieur de St Cerni et moy vostre despeche
10
du XVIII que monsieur de Cabanes lui a
11
mandé où jay heu pour ma part cele quil
12
vous a pleu de mescripre, laquele et celes que
13
monsieur de Evenes et monsieur de St André mont
14
escript, m’ont osté dune peine où jestois pour
15
mon cadet, car il y avoit quatre moys que je
16
navois point heu de nouveles. J’en remertie Dieu
17
et aussi davoyr entendu que les quatre vingtz
18
et dix galères qui avoint chargé lenfanterye à
19
Lespece soent alés à Messine pour trouver la Ligue,
20car nous en estions en ce pays presques en [barré : arme ] alarme,
21
mayant monsieur le conte escript me tenir prest, et
22
mon filz aussi, le premier mandement quil me feroit.
23
Je scai qu’à Aix et par dela nont pas esté sans peur
24
pour laquele, Dieu aydant, nous en serons quitte
25
pour ce coup. Je me recomande très humble à
26
vostre bonne grace et à cele de madame de Gordes et
27
prie le Créateur vous donner
28
Monsieur très bonne longue et heureuse vye. De Sault
29
Ce IIe de aoust 1572.
30
Je vys madamoysele de Caseneufve souvent icy. Ele et toute sa compaignie sont
31
an bone disposition et tous ceus qui vous apartienent par deça de mesme. Je
32
suys très marri de lindisposition qua heu monsieur de Laval et desire scavoir
33
sa convalecsence. Monsieur nostre gouverneur nous à tous contremandés car ma
34
dame la contesse sa fame ny vient jusques à la fin de ce moys
35
Vostre très humble cousin et affectioné serviteur
36
De La Coste
37
Madamoysele de Caseneufve na point heu la résolue responce
38
de monsieur et madame la presidente de Fuveau touchant
39
Cabanes. Ele nose point advertir de ceste despesche qui
40
nous a semblé bon vous fère par le rantier de Boirrières qui
41
ma dit san aloit à Grenoble tout maintenant et nous
42
avons ce peu de loisir, à monsieur de St Scerny et
43
à moy, vous fère ce mot.
44